(50%) كاندیدەكانی پەرلەمانی كوردستان بڕوانامەیان نیە
"نوسيویانە تەنیا دەزانن بخوێننەوەو بنوسن"
ئەوانەی بەڵێنی گەڕانەوەی موچە فەوتاوەكانیاندا كە بوون بە پەرلەمانتار ( مانگ بە نایاسای موچەیان وەرگرت
رۆڵی پەرلەمان لە ئەركەوە گۆڕاوە بۆ ئیمتیاز
"هەر ئەوەش وایكردووە كواڵیتی بەوشێوەیە دابەزێت"
درەو:
سەرۆكی دامەزراوەی پەی بۆ پەروەردە و گەشەپێدان دەڵێت: بەگوێرەی ئەو لیستەی لایەنە سیاسییەکان رادەستی کۆمیسیۆنی باڵای سەربەخۆی هەڵبژاردنەکانی عێراقیان کردووە، نزیکەی(50٪)ی پەرلەمانی کوردستان بڕوانامەیان نییە و نوسیویانە تەنیا دەزانن بخوێنەوە و بنوسن.
سەروەر عەبدولڕەحمان، سەرۆكی دامەزراوەی پەی بۆ پەروەردە و گەشەپێدان, كە بەشێك لە كارەكانیان چاودێریی كارەكانی پەرلەمانی كوردستانە, ئاشكرای دەكات: بەدرێژایی ساڵانی كاركردنی پەرلەمانی كوردستان(406)یاسا دەرکراون، (25) یاسایان وەك خۆی جێبەجێ كراون و (136)یاساش هەڵوەشاونەتەوە یان كاریان پێناكرێت.
سەرۆكی رێكخراوی پەی لە لێدوانێكدا بە روداوی راگەیاندووە: رۆڵی پەرلەمان لە ئەركەوە بۆ (ئیمتیاز ) گۆڕدراوە, هەر ئەوەش كوالێتیی پەرلەمانی کوردستانی ساڵ بە ساڵ بەرەو دابەزین بردووە.
ئەوانەی بەڵێنی گەڕانەوەی مووچە فەوتاوەكانی فەرمانبەرانیان دا، کاتێک چوونە پەرلەمان و بوون بە پەرلەمانتار، نەك مووچە فەوتاوەكانیان نەگەڕاندەوە، بەڵكو خۆیان هەشت مانگ بە نایاسایی مووچەیان وەرگرت.
لینكی هەواڵ: