سەرۆكی ئینستیتیۆتی پەی: هێشتا سەرۆكایەتی پەرلەمانی كوردستان دەوام دەكەن و بە نایاسایی واژۆ لەسەر نوسراوەكان دەكەن
سەرەڕای ئەوەی كە دادگای فیدراڵی عێراق پەرلەمانی كوردستانی هەڵوەشاندۆتەوە بەڵام تا ئێستا سەرۆكایەتی پەرلەمان كۆتا هەڵوێستی خۆی ڕانەگەیاندووە لەبارەی بڕیارەكەی دادگای فیدراڵی و بە نا یاسایی دەوام دەكەن و واژۆ لەسەر نوسراوەكان دەكەن بەناوی پەرلەمانەوه.
سەروەر عبدالرحمن سەرۆكی ئینستیتیۆتی پەی بۆ پەروەردەو گەشەپێدان چاودێری كاری پەرلەمانی كوردستان و پەرلەمانتاران دەكەن بۆ سپێدە رایگەیاند: بەپێی زانیاریەكانی ئەوان سەرەڕای ئەوەی پەرلەمانی كوردستان هەڵوەشاوەتەوە بەڵام 600 ملیۆن دینار وەك نەسریە بۆ پەرلەمان هاتووە و نەسریەی سەرجەم فراكسیۆنەكان و دەستەی سەرۆكایەتی دابەشكراوە كە دەستەی سەرۆكایەتی دەرماڵەیەكی 10 ملیۆن دیناری هەیە، سەرەڕای ئەوەی كە ئێستا هیچ و ئیشوكارێكیان لە پەرلەمانی كوردستان نەماوە.
سەرۆكی ئینستیتیۆتی پەی لەبارەی دابەشكردنی موچەی پەرلەمانتاری كوردستان لە مانگی پێنجدا كوتی: تا ئێستا دیار نییە كە ئایا ئەم مانگە موچەی پەرلەمانتاران دەدرێت یان نا ئەگەر بدرێت پەرلەمان و حكومەتی هەرێم دەكەونە ژێر كارێكی نا یاسایی كە پێچەوانەی یاسای چاكسازییە كە پەرلەامن خۆی دەنگی لەسەر داوە.
لینكی هەواڵەكە: