ستافی پەی سەردانی دەستە سەربەخۆكانی هەرێمی كوردستان دەكات و لەگەڵ سەرۆك و راویژكارانی دەستەكان كۆدەبێتەوە .
رۆژانی (٢٣ تا ٢/٢٨/ ٢٠١٧) د.سەروەر عبدولرحمان سەرۆكی ئینستتیوت و بابان جەغفەر بەرێوەبەری پرۆژەكانی پەی، سەردانی چەند دامەزراوەیەكیان كرد كە لەلایەن پەرلەمانەوە چاودێری دەكرێن، ئەوانیش (دەستەی دەسپاكی هەرێم، كۆمسیۆنی باڵای سەربەخۆی هەڵبژاردنەكان و راپرسی، دیوانی چاودێری دارایی، دەستەی گشتی ناوچە كوردستانیەكانی دەرەوەی هەریم، دەستەی سەربەخۆی مافەكانی مرۆڤ) .
لەسەرجەم دیدارەكاندا سەرەتا د.سەروەر عبدولرەحمان، باسێكی لە پرۆژەكانی پەی پێشكەش كرد و دواتر گفتوگۆ لەسەر ئەركەكانی دەستە بە پیی یاساكانیان دەستی پیكرد و سەرجەم سەرۆكی دەستەكان باسیان لە یاساكانی و كێشەكانی دەستەكانیان كرد .