پێنج مانگ و سێ ڕۆژ پێش ئێستا لە (٢٤ ی حوزەیرانی ٢٠٢٠)، هەم وەک تەحەددا هەم وەک وەڵامێک بۆ ئەو دەسەڵاتەی بە پێنج سەرچاوەی داهاتەوە بە دوو مانگ جارێکیش توانای دابەشکردنی موچەیەکی نیە وتمان بابەتی کۆکردنەوە و سەرپەرشتی کردنی داهات بدەنە دەستی ئێمە !
جا ئەوکاتە بۆ دەسەڵات و بۆ خەڵکی کوردستانیشی دەسەلمێنین کە ئێمە کێشەی نەبون و کەمیی داهاتمان نیە، بەڵکو کێشەی ئەوەمان هەیە ئەو داهاتە زەبەلاحە لە دەستێکی ئەمیندا نیە . ئەگەرنا کێ باوەڕ دەکات بە :
- داهاتی فرۆشتنی ٥٠٠ هەزار بەرمیل نەوتی ڕۆژانە
- داهاتی چوار دەروازەی سنوریی نێودەوڵەتیی
- داهاتی باج و ڕسواتێکی زۆری ناوخۆ
- داهاتی فرۆشتنی غاز و بەرهەمە نەوتییەکان لەناوخۆدا
- هاوکاریی مانگانەی هاوپەیمانان)
دەسەڵات نەتوانێ بە ڕێکی و بەبێ لێبڕین و لەکاتی خۆیدا موچەی موچەخۆران بدات ؟!
ئێستا و دوای پێنج مانگ لەو تەحەددایە، ئەگەر دڵسۆزی خەڵکەکەی خۆیانن و هەست بە نەبونی و برسێتی و خراپی گوزەرانیی خەڵک دەکەن ! فەرموون کۆکردنەوە و سەرپەرشتیکردنی داهات بدەنە دەستی ئێمە و دەست مەهێننە ڕێگەمان، ئەگەر بۆ هەموولایەکمان نەسەلماند هەرێمی کوردستان مانگانە خاوەنی داهاتی زیاتر لە یەک ترلیۆن دینارە و بەشی موچە و بودجەش دەکات، ئەوا ئێمە هەم داوای لێبوردنتان لێدەکەین هەم دەست لە ئەندامێتی پەرلەمانیش دەکێشینەوە !