روژان سلێڤانەیى
بو نموونە ياسايا (ئەخلاقى) ژ گرنگترين وان ياسايانە ژ ئەنجامێ رەوشت و باوەريى يە...
پێگيرى كرن و پێگيرى نەكرنا ھەر كەس و لايەنەكێ ب ڤێ ياساێ،
سزا و پاداشت مێژوو و پاشەروژن...
د دەستپێكا دەركەتنا ڤايروسێ كوروناێ دە حكومەتا ھەرێما كوردستانێ زور سەركەفتيانە بەرەنگارى ڤى ڤايروسى بى و رێكارێت پێويست بو پاراستنا ھاولاتيان گرتن بەر و تا وێ راددێ بو ماوەيەكى ژمارا توشبوويان نەھاتن توماركرن و رەوش دبن كونترولێ دە بى،
حكومەتا ھەرێما كوردستانێ ل ديڤ ئامارێت فەرمى يت وەزارەتا تەندروستى تا ئەڤروكە،
پشكنينا ١٢٥٨٢٤ ھاولاتيا،
كەرەنتينا ١٥٩٧٢ ھاولاتيان،
ژ بلى تێچووى چارەسەركرنێ بو مانا ھەر نەخوشەكێ ل نەخوشخانێ بێ بەرامبەر دابين دكرن و بەردەوامە...
ل وەلاتێ صينێ ل ديڤ ئامارێت وان يت فەرمى كو نێزيكى ٨٣ ھزار ھاولاتيت وان توشبووين،
تێچووێ چارەسەريا نێزيكى ٥٨ ھزار ھاولاتيا ل سەر ئەركێ ھاولاتى بو خوە بى، بتنێ تێچووێ چارەسەرييا نێزيكى ٢٥ ھزار كەسان ل سەر ئەركێ حكومەتا صينێ بى،
سەر ھندێ رە ئەو تێچوويا چاره‌سه‌ریا ٢٥ ھزار كەسان ژ لاێ حكومەتا صينێ ڤە زور دەنگڤەدان ھەبى و ب ئەرينى و دەست كەفت بو زڤرى،
حكومەتا ھەرێما كوردستانێ ئابوريا خوە كر قوربانى بو ھندێ خەلك نەبت قوربانيێ ڤى ڤايروسى و ب كێمترين زەرەرێت گيانى ژێ دەرباز بين، بەلێ مخابن ديسا كەسێت بێ ووژدان ئەڤ رەوشە ب دەليڤە ديتن بابەتێ كوروناێ دگەل گەلەك بابەتێت ديتر تێكلى ئێك كرن، ئامانجا وان رێكارێت حكومەتێ و رينماێت وەزارەتا تەندروستى بێ بھا ديار كن و ئەنجام رێژەيەكا زورا ھاولاتيان كرن قوربانى،
مخابنى ل پارێزگەھا سلێمانيێ ئەڤروكە ب رێژا ٦٠-٧٠٪ ژ وان كەسێت پشكنين بو وان تێن كرن پوزەتيڤن،
رێژا قوربانيان گەھشت ١٤٩ كەسان ل ھەرێمێ،
روژانە قوربانيێت ڤايروسێ كوروناێ زێدە دبن و رێژا توشبوويان يا زێدەتر دبت ب تايبەتى ل سنورێ پاريزگەھا سلێمانيێ،
تشتێ سەير حەتا ئەڤروكە ل دەڤ ھندەك كەس و لايەنا ئەو ياسايا من ئاماژە پى كرى د ڤى رەوشا ھەرێم و مروڤايەتى تێدا دەرباز دبت ووژدانا وان ھشيار نەكرە و دوير ژ بھاێت مروڤايەتيێ و رەوشتى رەفتارێ دكن،
واته؛
پێدڤى يە ئەو تاوانبارێت ئەڤ دوخە پەيداكرين و ئەو كەس و لايەنێت بين ئەگەرێ ھاندانا ھاولاتيان تا كو پێگير نەبن ب رينمايت خوەپارێزيێ و خەلك هاندان بو كوم ببن ل سەر جادا و تەحەدايا كوروناێ دكرن و زور جار گومان ل سەر رێژا توشبووێت كوروناێ چيدكرن ل دەڤ خەلكێ ژ بو گەھشتن بو مەرەمێت خوە يت كەسى و سياسى ئامادە بين سەلامەتيا گشتى و گيانێ ھاولاتيا بكن مەترسيێ دە،
ژ ئەڤروكە پێدڤى يە سنورەك بو وان كەسان بێت دەينان و بێن سزادان ب ياسايا تەندروستيا گشتى يا ژ مارە (٨٩) سالا ١٩٨١و ياسايا سزادانا گشتى يا ژمارە(١١١) سالا١٩٦٩،
ل دوماھيێ...
سەرەخوەشيێ ل كەس و كارێت قوربانيت ڤايروسێ كوروناى دكم و خودى تعالى سەبر و ھەدارێ بدت كەس و كارێت وان كارمەند و فەرمانبەرێت وەزارەتا تەندروستى كو د پيروزترين ئەركێ مروڤايەتيێ دە گيانێ خوە كرن قوربانيێ پاراستنا گيانێ ھاولاتيا،
دەست خوەشيێ ل وان دكم يت د ئەركێ خوە دە بەردەوامن،
داخازێ ژ ھاولاتيا دكم پابەند بن ب رينمايت تەندروستى، دا ب كێم ترين زيان و زەرەر ژ ڤى دوخى دەرباز بين و پێكڤە كوردستانێ بپارێزين.