روژان سلـێڤانەى

سەروكا پەرلەمانى نموونەك خراب بو فێرگەھێت ياساى:
د ناڤ بەرا جێ ب جێكرنا پەيرەوێ ناڤخو و بريارا ٥٧ پەرلەمانتارا،
سەروكا پەرلەمانى بريار دا بريارەكێ بو خوە ئاراستە بكت؛
-د ڤێ بريارا سەير و پرى خەلەتييت ياساى دا ژ دەڤ سەروكا پەرلەمانى؛
 د خالا (١)ى دا ديار دكت پێشێلا برگەيا (سێ، و يازدە و دوازدێ) ژ ماددا (١٨) و ھەروەسا برگەيا ( ئێكێ) ژ ماددا (١٩)يا ھاتى كرن، د دانيشتنا روژا ٧/٥/٢٠٢٠،
بەرێز سەروكا پەرلەمانى؛
ئەگەر ئەو پێشێلكارى بن، ئەرێ سەبارەت برگە (دوو) ژ ماددا (١٨)
كو تێدا هاتى( جێ ب جێكرنا ياسا و پەيرەوێ ناڤخو و برياريت پەرلەمانى ژ ئەرك و دەسەلاتێت سەروكا پەرلەمانى يە) ئەرێ پێشێل كرن نەبى ژ لاى جەنابى وە!؟
و ھەروەسا بريارا ژمارە(١٠) د دانيشتنا روژا ١١/٧/٢٠١٩ ھەلبژاردنا جەنابێ وە بو سەروكايەتيا پەرلەمانى ھەر ئەو دانيشتنە بى ژ لاى بەرێز جێگرى سەروكى پەرلەمانى ڤە ھات بريڤەبرن بوچى تا ئەڤروكە كار پى دكى و نا هەلوەشينى ئەگەر ب ديتنا تە پێشێل كرنە!؟
يان ل ديڤ حەز و پەرژەوەندييا خوە كار ب برگە و  ماددێت پەيرەوى و ياساى دكن و جارا پێشێل دكن!؟
-ھەروەسا سەروكا پەرلەمانى؛
 د خالا (٢)ى دا ژ ھەمان بريارێ،
برياردا ژ بەر نەبينا مەرجەعێ دادوەرى بو تانە ليدانى جەنابێ وى ببيت مەرجەع و ب نڤيسينەكێ بريارەك خوە ب مێژوويا ١٤/٦/٢٠٢٠ بو نڤێسينگەھا خوە ئاراستە بكت،
ئەو خالا دووێ ژ لاێ ياسايى ڤە ھندە فەزاحەتەك مەزنە و عەيبەكى ياساييە كەسەك ل ئاستى سەروكا پەرلەمانى، سەروكا بلندترين دەستھەلاتا ياسادانانێ ھەر نە دبى وى شاشيى و خەلەتيى بكت ئەگەر چەند ل بن فشارێ ژى بت،
بەرێز سەروكا پەرلەمانى؛
بو رێزگرتن ل دەنگێ خەلكێ كوردستانێ و باوەرناما ياساێ و بو پاراستنا قيمەتێ كەسايەتى و شكويا خوە، برياريت بێ ھيچ قيمەتەك ياساى ھەبت ل ژێر ھەر فشارەكى بت، پێدڤى يە ب ووردى و ھشيارى بريارى ل سەر بدى  ئەگەر چارەنڤيسێ وان بريارا و نڤێسينا دێ ب تنێ ل نڤيسينگەھا تەمينن و چ كار پى ناێت كرن،
ئاشكرايە بريارا ژمارە (٤) يا روژا ٧/٥/٢٠٢٠ بو راكرنا پاريزبەنديێ ل سەر پەرلەمانتارەكێ بريارەكا تەشريعى يە و ب دەنگى ئازاێ(٥٧) پەرلەمانتارايە، 
ناێت ھەلوەشاندن ئەگەر ھەر ديسا زورينەيا پەرلەمانى جارەك دى بريارى ل سەر بدت و ب ھەلوەشينت، 
ئەگەر مە بڤێت ياسا سەروەر بت ب كريار نە بتنێ شيعار، پێدڤى يە پەرلەمانتار وەك ھەر كەسەكێ بچت بەرامبەر دادگەھێ ئەگەر پيويست كر و نابت پاريزبەنديا خوە بو تەشھيركرنێ يان ئەنجام دانا تاوانا بكار بينت،
ھيڤيدارم سەروكا پەرلەمانى رولێ خوە يێ دروستى بگيرت وەك سەروكا پەرلەمانى و پەيرەوێ ناڤخو باش بخوينت و كار ب گشت برگە و ماددێت وێ بكت، 
و لدوماھيێ وەك د ئايەتەكا پيروز دا ھاتى؛
(أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ ۚ فَمَا جَزَاءُ مَن يَفْعَلُ ذَٰلِكَ مِنكُمْ إِلَّا خِزْيٌ فِي الْحَيَاةِ الدُّنْيَا).
                       صدق الله العظيم