رێبوار بابەکی

لامەرکزیەت، یاخود نا ناوەندیەتی زانستی ئەسترۆلۆجی نییە، تا پێویست بە وە بکات ئەستێرە ناسێک باس لە تایبەتمەندییەکانی بکات، واتێبگات خەلک نازانێت ئەو چەمکە واتای چ دەگەینێت؟. یاخود سیستەمی لامەرکزیەت یانی چی؟.کەس لاری نیە لەوەی کە حکومەتە خۆجێیەکان دەسەڵاتی کارگێڕی زێتریان پێبدرێت، وە ناناوەندیەتی لە سیستەمی کارگێریدا پیادە بکرێت، بەبەڵگەی ئەوەی جەنابی سەرۆکی حکومەت لە کاتی ڕاگەیاندنی کارنامەکەی بە تێروتەسەلی باسی لەوە کرد کە " کاردەکەن بۆ چەسپاندنی لامەرکزیەتی کارگێڕی".پرسیارە گەورەکە ئەوەیە، ئایە برادەرانی ئەو دیو، بۆچی لە ئێستەدا بابەتی نا ناوەندیەتیان هێناوەتە ڕۆژەڤ؟.وڵامەکەی بە کورتی و،کوردی ئەوەیە " پڕۆژەی ١٦ی ئۆکتۆبەر و جێبەجێکردنی بە میکانیزمی سەربازی شکستی هێنا؛ دەیانەوێت بە میکانیزمی سیاسی تاقیبکرێتەوە، ئامانجە سەرەکیەکەی بێنێتە کایەوە کە بریتیە لە بچووکردنەوەی قەوارەی سیاسی و، دەستووری هەرێم، وە کورتکردنەوەی لە هەرێمەوە بۆ پارێزگاکان".کەواتە، برادەرانی ئەو دیو دەیانەوێت بە بیانووی لامەرکزیەت و، فراوانکردنی دەسەڵاتە کارگێڕی و، دارایی یەکان، لامەرکزیەتی سیاسی بۆ سلێمانی دەستە بەر کەن.بەدیوێکی تر، حکومەتی خۆجێی سلێمان جگە لەسەر بەخۆی بڕیاری کارگێڕی، هاوکات لە بڕیاری سیاسیش سەربەخۆی کەن!.باندۆرو کاریگەری نەرێنی بە ئۆتۆنۆمیستکردنی سیاسی سلێمانی و، نا ناوەندیەتی سیاسی لەسەر قەوارەی هەرێم چیە؟:١. پێگەو مەکانەی دەستووری هەرێم لە ڕووی ستراکچەرو پەیکەر بەندییەوە بچوک دەکرێتەوە.٢. پێگەو مەکانەی سیاسی هەرێم لاواز دەبێت، ڕۆڵی هەرێم لە هاوکێشە سیاسییەکانی عێڕاق لە ڕۆلی سەرەکی، دەکاتە ڕۆلی پەراوێز.٣. ئەمنی قەومی هەرێمی کوردستان دەکەوێتە مەترسیەوە، چونکە دەرفەت بۆ سەندنەوەی سیفەتی سیاسی بە قەوارەی هەرێم وەردەگیرێتەوەو سیفەتی کارگێڕی پێدەدرێت.٣. جوگرافیای هەرێمی کوردستان دابەش دەکرێت، بەسەر چەند جوگرافیایەکی بچووک، واتە جگە لە دەسکاریکردنی نەخشەی سیاسی هەرێم، نەخشەی جوگرافیای هەرێمیش دەسکاری دەکرێت.٤. دابەشکردنی جیوپۆلوتیکی هەرێمی کوردستان و، خاریتەی ووزە (نەوت و، غاز)ی هەرێم، وە ڕادەستکردنی بە کۆمپانیای سۆمۆ و، بەغدا، یا بە ئاشکرا بە تاڵانبردنی لە لایەن تاقم و گروپێکەوە.٥. بە مەرجەعیکردنی بەغداو، بەهێزکردنی مەرکەزیەتی حکومەتی عێڕاق و، لاوازکردنی حکومەتی هەرێم.٦. فراوانکردنی هەژموونی شیعە بەسەر ئەو دەڤەرە، لە هەژموونی کاریگەری نواندن، بۆ هەژموونی دەسەڵات.پاساوەکانی برادەرانی ئەو لا لە جێبەجێکردنی نا ناوەندیەتی:١. پاساوی خزمەت گوزاری، ئەو برادەرانە دەیانەوێت شکستی زێتر لە دوو دەیەی دەسەڵاتیان لەو شارە، بە تۆمەتکردنی حکومەتی هەرێم بشارنەوە، کە گوایە هۆکاری کەمی خزمەت گوزاری لەو شارەو قەزاو شارەدێکانی حکومەتی هەرێم لێی بەرپرسە.٢. داهاتەکان، داهاتی مەرزەکانی سلێمانی، بە مەرزی ئاشکراو نا ئاشکرا و ناوخۆی ئەو شارە کە بە سەدان ملیار دینار دەخەملێنرێت، کە دەهان ساڵە تەنها ژمارەی بڕە پارەیەک کە ژمارە ڕاستەقینەکەش نیە دەچێتە وەزارەتی دارایی، بڕی پارەکە بە کاش لە سلێمانی ماوەتەوە بەدەستی نا ئەمین و نا پاک ئێرەو ئەملای پێکراوە، لە ئەنجامدا، لە جیاتی ئەوەی خەلکی ئەم شارە خێرو بێرەکەی بخوات، تاقمێک دەستی بەسەردا گرتووە تەخشان و پەخشانی پێکردووە.٣. داهاتی نەوتی سلێمانی. بڕی ئەو پارەیەی کە لە هەناردەکردنی نەوتی ئەم دەڤەرە بەرهەم هاتووە کە زۆر کەمە بەراورد بەو نەوتەی لە شوێنی تر لە دەرەوەی ئیدارەی پارێزگای سلێمانی بەرهەم هاتووەو هەناردەکراوە، حکومەتی هەرێم بە شاهێدی تیمی یەکێتی، تەنانەت لە کابینەکانی پێشتریش (لەو بارەیەوە بگەڕێنەوە بۆ ئەرشیفی قسەکانی بەڕێز قوباد تالەبانی) بە شەفافانە لە بودجەی گشتی هەرێم، لەسێکتەرەکانی خزمەت گوزاری، مووچە، وەبەرهێنان بۆ ئەو دەڤەرەی خەرج کردووە، بەڵام ئەو داهاتەی کە لە ڕێی تەنکەری نەوتەوە بە قاچاغ ڕۆژانە ئەو برادەرانە دەیفرۆشن، داهاتەکەی تەنها خوای گەورەو خۆیان دەزانن چی لێدەکەن!. بۆێە برادەران، تکایە بە بیانووی نا ناوەندیەتی، سلێمانی بەدەردی کەرکوک مەبەن، چونکە قسەی سەر زارتان جیاوازە لە مەرامتان، ڕاستیەکان مەشێوێنن، وا مەزانن خەلک زاکرەی لاوازبووە، نازانێت داهاتی ئەو شارە چەندەو ئێوە بە چی خەرج دەکەن؟. قەوارەی هەرێمی کوردستان کە بە خوێنی هەزارەها شەهید هاتۆتە کایەوە بچووک نەکەنەوە، سلێمانی مەخەنە دەستی ڕاکان جبوری یەکیتر کە تەنانەت بە بڕیارێک سەردانتان بۆ سلێمانی هاوشێوەی کەرکوک قەدەغە بکات، یان پلەدارێکی سەر بەحەشدی شەعبی ئەو کات رێگە نەدات بەرپرسێکی پۆلیس بە زمانی شیرینی کوردی ب ئاخڤێت!.