رۆژی سێشەمە 18/10/2022 لە هۆڵی هۆتێل چوارچرا لە شاری هەولێر، ئینستتیوتی پەی بۆ پەروەردەو گەشەپێدان (PAY)، بەهاوكاری پەیمانگەی دیموكراسی نیشتمانی (NDI)ی ئەمەریكی، وۆركشۆپێكی ئەنجامدا سەبارەت بە پرۆژەی (چاودێریی جێبەجێكردنی سیاسەت و ڕێوشوێنەكانی باجی خانووبەرە لە هەرێمی كوردستان)، لە وۆركشۆپەكەدا كە هەریەك لە ئەندامانی پەرلەمان و ئەنجومەنی پارێزگای هەولێر و راوێژكارانی وەزارەتەكانی دارایی و ئابوری و پلاندانان، بەرێوەبەری گشتی باج و دەرامەت و بەڕێوەبەرانی باجی خانوبەرە لە هەولێر و نوێنەرانی هەریەك لە دیوانی چاودێری و دەستەی دەسپاكی و مامۆستایانی زانكۆ ئامادەی بوون، لە وۆركشۆپەكەدا ئەو توێژینەوەیە خرایە روو كە سەبارەت بە سیاسەت و ڕێوشوێنەكانی باجی خانووبەرە لە هەرێمی كوردستان لەلایەن تیمی توێژەرانی ئینستتیوتی پەی نوسراوەو دواتر لەلایەن ئامادەبووانەوە راو سەرنج و تێبینییەكان خرانە روو.
بۆ بینینی وێنەكان كلیك لێــرە بكە