به‌رنامه‌ى كار
به‌پێى حوكمه‌كانی بڕگه‌ (1)ی مادده‌ (20) له‌ په‌یڕه‌وی ناوخۆی ژماره‌ (1)ى هه‌مواركراوی ساڵى 1992ى په‌رله‌مانی كوردستانی عیراق، ده‌سته‌ی سه‌رۆكایه‌تی په‌رله‌مان بڕیاریدا به‌رنامه‌ی كاری دانیشتنى ژماره‌ (14) ی ئاسایی خولی گرێدانی دووه‌می ساڵی یه‌كه‌م له‌ خولی چواره‌می هه‌ڵبژاردن له‌كاتژمێر (11)ى پێشنیوه‌ڕۆی رۆژى دوو شه‌ممه‌ رێكه‌وتی 7/7/2014 دا به‌م شێوه‌یه‌ بێت:
یه‌كه‌م: به‌رده‌وام بوون له‌سه‌ر خستنه‌ڕو و گفتوگۆكردنی پڕۆژه‌ یاسای هه‌مواری یه‌كه‌می یاسای ڕێكخستنی خۆپیشاندان له‌ هه‌رێمی كوردستان ژماره‌ (11)ی ساڵی 2010 و، ڕاپۆرتی هاوبه‌شی لیژنه‌ په‌یوه‌ندیداره‌كان، به‌پێی مادده‌كانی (72، 74، 77) له‌ پێره‌وی ناوخۆی په‌رله‌مان ژماره‌ (1)ی هه‌مواركراوی ساڵی 1992ی په‌رله‌مانی كوردستان ـ عیراق.
دووه‌م: خوێندنه‌وه‌ی یه‌كه‌می  ئه‌م پڕۆژه‌ بڕیار و  یاسایانه‌ی خواره‌وه‌ له‌سه‌ر داوای ژماره‌ی یاسایی ئه‌ندامانی په‌رله‌مان به‌پێی مادده‌ی (71) له‌ پێره‌وی ناوخۆی په‌رله‌مان ژماره‌ (1)ی هه‌مواركراوی ساڵی 1992ی په‌رله‌مانی كوردستان ـ عیراق:
1ـ پڕۆژه‌ بڕیاری هه‌ڵوه‌شاندنه‌وه‌ی بڕیاری ژماره‌ (55)ی ساڵی 2004ی په‌رله‌مانیكوردستان ـ عیراق.
2ـ پڕۆژه‌ یاسای بیمه‌ی ته‌ندروستی (2 پڕۆژه‌).
3ـ پڕۆژه‌ یاسای ئه‌نجومه‌ن و ده‌زگای كاروباری دانوستان.
4ـ پڕۆژه‌ یاسای چاودێری كردنی ناكامه‌كان ژماره‌ (78)ی ساڵی 1980ی هه‌موار  كراو.
5ـ پڕۆژه‌ یاسای بیمه‌ی كۆمه‌ڵایه‌تی بۆ منداڵانی بێ باوك.
6ـ پڕۆژه‌ یاسای ده‌سته‌ی ئاوه‌دانی و خزمه‌تگوزاری گونده‌كانی كوردستان.
7ـ پڕۆژه‌ یاسای هه‌مواركردنی یاسای سندوقی  كۆمه‌ك بۆ توشبوانی شێرپه‌نجه‌ له‌ هه‌رێمیكوردستان ژماره‌ (11)ی ساڵی 2012.
8ـ پڕۆژه‌ یاسای بیمه‌ی كشتوكاڵی له‌ هه‌رێمی كوردستان.
9ـ پڕۆژه‌ یاسای تایبه‌ت به‌ كورته‌ باڵاكان له‌ هه‌رێمی كوردستان.
10ـ پڕۆژه‌ یاسای ده‌سـته‌ی باڵای سه‌ربه‌خۆی هه‌ڵبژاردنه‌كان و ڕاپرسی له‌ هه‌رێمی كوردستان ـ عیراق.
سێیه‌م: سوێند خواردنی به‌ڕێز ( عباس فتاح صالح فتاح ) كه‌ به‌ زنجیره‌ ژماره‌ (20)ی لیستی یه‌كێتی نیشتیمانی كوردستان ناوی هاتووه‌ له‌ جێگای ئه‌ندامی ده‌ست له‌كاركێشاوه‌ی هه‌مان لیست به‌ڕێز ( ده‌رباز عبدالله ڕسول)  به‌پێی مادده‌ (31 ) له‌ پێره‌وی ناوخۆی په‌رله‌مان ژماره‌ (1)ی هه‌مواركراوی ساڵی 1992ی په‌رله‌مانی كوردستان ـ عیراق.
چواره‌م: گفتوگۆكردن له‌سه‌ر قه‌یرانی به‌نزین و گاز له‌ هه‌رێمی كوردستان، به‌ ئاماده‌بوونی به‌ڕێز (د. ئاشتی هه‌ورامی) وه‌زیری سامانه‌ سروشتیه‌كان، له‌سه‌ر داوای ژماره‌ی یاساییی ئه‌ندامانی په‌رله‌مان، به‌پێی مادده‌ی (54/خاڵی دووه‌م/بڕگه‌ی 2)ی پێره‌وی ناوخۆی په‌رله‌مان ژماره‌ (1)ی هه‌مواركراوی ساڵی 1992ی په‌رله‌مانی كوردستان ـ عیراق.
 
فخرالدین قادر عارف                  جعفر ابراهیم ئیمینیكى                                                      یوسف محمد صادق
سكرتێری  په‌رله‌مانى                جێگری سه‌رۆكی په‌رله‌مانى                                                   سه‌رۆكی په‌رله‌مانى
كوردسـتان ـ عیراق                        كوردسـتان ـ عیراق                                                      كوردسـتان ـ عیراق