لە چوارچێوەی پرۆژەی چاودێریی پەرلەمانی كوردستاندا كە دامەزراوەی پەی بەهاوكاری رێكخراوی سندوقی نیشتمانیی دیموكراسی (NED)ی ئەمەریكی جێبەجێی دەكات، هەژدەهەمین راپۆرتی خۆی لەم وەرزەدا بڵاوكردەوە كە تایبەت بوو بە هەڵسەنگاندنی ئەدای ئەندامانی پەرلەمانی كوردستان لە ماوەی خولی پێنجەمیدا.
رۆژی (7/10/2024) كاتژمێر (3) پاش نیوەڕۆ لە هۆڵی هۆتێل رامادا لە شاری سلێمانی، دامەزراوەی پەی لە كۆنگرەیەكی رۆژنامەوانیدا كە ژمارەیەكی بەرچاوی نوێنەرانی كەناڵەكانی راگەیاندن ئامادەی بوون راپۆرتی تایبەت بە هەڵسەنگاندنی ئەدای ئەندامانی پەرلەمانی كوردستان لە ماوەی خولی پێنجەمیدا خستە روو.
