ئەمڕۆ ئەمڕۆ یەکشەممە ٨ی ئەیلوولی ٢٠٢٤ ئیسماعیل عەبدوڵڵا ناسراوە بە "ئیسماعیلی سەرای ئازادی" یەکێک بوو لە چالاکڤانەکانی خۆپێشاندانەکانی (17)ی شوبات و بەربژێری گۆڕان بۆ خولی شەشەمی هەڵبژاردنی پەرلەمانی کوردستان، ئەمڕۆ بەهۆی نەخۆشییەوە کۆچی دواییکرد.
ئیسماعیل عەبدوڵا جگە لەوەی چالاکێکی کۆمەڵایەتی ناسراو بوو لە سلێمانی و هەرێمی کوردستان، هاوکات هەڵسوڕاوی دیاری بزووتنەوەی گۆڕانیش بوو.
ئیسماعیلی سەرای ئازادی کاندیدی بزووتنەوەی گۆڕان بوو بۆ هەڵبژاردنی پەرلەمانی کوردستان کە بڕیار ٢٠ی ١٠ی ئەمساڵ بەڕێوەبچێت.
ژیاننامەی ئیسماعیلی سەرای ئازادی:
▪️ئیسماعیل عەبدوڵا ئیسماعیل محەمەد
لە دایک بووی شاری سلێمانی لە 1982/12/30.
▪️دەرچووی پەیمانگای (سەردەم)ی ناحکومی بۆ زانستەکانی کۆمپیوتەر ، بەشی نیتۆرک 2017 بۆ 2018.
▪️دانیشتوی گەڕەکی ئازادی شاری سلێمانی بوو.
▪️کاندیدی ژمارە 33ی لیستی گۆڕان بوو بۆ خولی شەشەمی پەرلەمانی کوردستان.