وابڕیارە ئەمڕۆ نێچیرڤان بارزانی سەرۆكی هەرێمی كوردستان بڕیار لەبارەی دیاریكردنی رۆژی هەڵبژاردنی پەرلەمانی كوردستان بدات.
فەوزی هەریری سەرۆكی دیوانی سەرۆكایەتی هەرێم رایگەیاند، پێشنیازی دیاریكردنی رۆژی هەڵبژاردنی پەرلەمانی كوردستان ئامادەكراوە و ئەمڕۆ دەخرێتە بەردەست نێچیرڤان بارزانی بۆ ئەوەی بڕیاری لەبارەوە بدات.
وتوشیەتی، پێشبینی دەكەن سەرۆكی هەرێمی كوردستان بڕیارەكە واژۆبكات و رۆژی هەڵبژاردنی پەرلەمانی كوردستان دیاری بكات.
پێنجه‌مین خولی پەرلەمانی كوردستان له‌مساڵدا ماوەی یاسایی كۆتایی پێدێت و سەرجەم لایەنەكان داوای ئەوە دەكەن هەڵبژاردن لە كاتی خۆی بەڕێوەبچێت.