دەنگ سڕبون:بریتیە لەو ناوانەی كە لە تۆماری دەنگدەراندا سڕكراون ,پێویستە لەو ماوەیەی كە بۆ نوێكردنەوەی تۆماری دەنگدەران دیاری كراوە سەردانی بنكەكانی نوێكردنەوەی تۆماری دەنگدەران بكەن بۆ دوبارە چالاككردنەوەی ناوەكانیان بۆ ئەوەی بتوانن لە ڕۆژی دەنگداندا دەنگ بدەن.
 هۆكاری دەنگ سڕبوون:
1-سەرجەم ئەو ناوانەی كە لە تۆمارەكەدا ناوەكانیان و فۆرمی خۆراك و زۆرینەی زانیاریە كەسێتیەكانیان هاوشیوەیە لەگەڵ كەسێكی تر ,ئەوا هەردوو ناوە لێكچوەكە سڕكراون.
2-سەرجەم ئەو كەسانەی كە تەمەنیان لە سەرو 90 ساڵەوەیە ناوەكانیان سڕاكراوە لە تۆمارەكەدا.
3- ئەو پلە باڵایانەی كە موچەكانیان بەرزە و لەلایەن وەزارەتی بازرگانیەوە بریكاری خۆراكیان بڕدراوە و و فۆرمی خۆراكیان نەماوە,ناوەكانیان لەلایەن كۆمسیۆنەوە بەسەر بنكەكاندا دابەشكراوە و پێویستە سەردانی بنكەكان تۆماری دەنگدەران بكەن بۆ دیاری كردنی ناوەندی دەنگدانی نزیك لە شیونی نیشتەجێبونی خۆیان.