بەڕێز سەرۆکایەتیی پەرلەمانی کوردستان
بابەت/ داواکاری
ئێمە وەک فراکسیۆنی گۆڕان کە لە دانیشتنەکانی پەرلەمانیشدا تایبەت بە (یاسای چاکسازی لە خانەنشینی مووچە و دەرماڵە و بەخشین و ئیمتیازاتەکانی دیکە لە هەرێمی کوردستان-عێراق) دژی بڕگە دووی ماددەی 3ی تایبەت بە خانەنشینی پلە تایبەت و باڵاکان بووین، بەپێی یاسای دابەشکردنی دەسەڵاتەکانی سەرۆکی هەرێم ژمارە 2ی ساڵی 2017، دەسەڵاتی واژۆکردنی یاساکان لای بەڕێزتانە، بۆیە داوا دەکەین پڕۆژەیاساکە بگێڕنەوە بۆ هۆڵی پەرلەمان و بڕگەی تایبەت بە خانەنشینی پەرلەمانتار و پلە باڵاکان هەڵبووەشێتەوە و، یاسای خانەنشینی یەکگرتووی عێراق ژمارە 9ی ساڵی 2014 بۆ گشت خانەنشینان بەرکاربکرێت، بەپێچەوانەوە ئێمە رێککاری یاسایی و دەستووری دەگرینەبەر.
فراکسیۆنی گۆڕان لە پەرلەمانی کوردستان
3-3-2018