ئه‌م راپۆرته له چوارچێوه‌ى پرۆژه‌یه‌كدا بوو كه ئینستتیوتى په‌ى بۆ په‌روه‌رده‌و گه‌شه‌پێدان و رێكخراوى هه‌ڵوێست به‌هاوكارى هه‌ریه‌ك له ئینستتیوتى ریفۆرم بۆ گه‌شه‌پێدان (PAO) و رێكخراوى (NPA)ى نه‌رویجى ئه‌نجامیدا.
پرۆژه‌كه خۆى له‌چه‌ند وۆركشۆپێكدا ده‌بینیه‌وه، له‌وانه:
یه‌كه‌م وۆركشۆپی ئه‌م پرۆژه‌یه له رۆژى (3/7/2017) له هۆڵی هۆتێل تایتانیك له شاری سلێمانی به به‌شدار ژماره‌یه‌كی به‌رچاو له به‌ڕێوه‌به‌ری قوتابخانه پیشه‌ییه‌كانی شاری سلێمانی و سه‌رپه‌رشتیارانی پیشه‌یی و پسپۆر و و شاره‌زایانی بواره‌كه و به ئاماده‌بوونی ئه‌ندامانی په‌رله‌مان له لیژنه‌ی په‌روه‌رده و خوێندنی باڵا و ئه‌ندامانی لیژنه‌ی په‌روه‌رده‌ی ئه‌نجومه‌نی پارێزگای سلێمانی ئه‌نجامدرا.
دووه‌م وۆركشۆپ له رۆژى 12/7/2017 له هۆڵی سارا له شاری هه‌ڵه‌بجه ئه‌نجامدرا كه به‌ڕێوه‌به‌ران و مامۆستایان و سه‌رپه‌رشتیارانی خوێندنی پیشه‌یی له هه‌له‌بجه و نوێنه‌رانی كۆلیژی ته‌كنیكی و په‌یمانگه‌ی ته‌كنیكی هه‌له‌بجه‌و پسپۆران و شاره‌زایانی بواره‌كه به‌شدار بوون، گفتوگۆ سه‌باره‌ت به گرفته‌كانی خوێندنی پیشه‌یی و دۆزینه‌وه‌ی رێگه چاره بۆ به‌ره‌و پێشه‌وه بردنی ئه‌م كه‌رته گرنگه كراو پێشنیار و راسپارده بۆ هه‌مان مه‌به‌ست ئاماده كران.
سێیه‌م وۆركشۆپ له رۆژى 12/8/2017 له هۆڵی هۆتێل تایتانیك له شاری سلێمانی ئه‌نجامدرا. له وورك شۆپه‌كه‌دا كه ئه‌ندامانی په‌رله‌مانی كوردستان، ئه‌ندامانی ئه‌نجومه‌نی پارێزگای سلێمانی، جێگری به‌ڕێوه‌به‌ری په‌روه‌رده‌ی گشتی سلێمانی، به‌ڕێوه‌به‌ری په‌روه‌رده‌ی رۆژئاوا، مامۆستایان و سه‌رپه‌رشتیارانى په‌روه‌رده‌یی و چه‌ندین كه‌سی خاوه‌ن ئه‌زموون و نوێنه‌ری گروپی كۆمپانیا گه‌وره و خاوه‌ن كارگه‌كانی سلێمانیش ئاماده‌بوون. له‌م وۆركشۆپه‌دا لایه‌نی په‌روه‌رده باسی له‌كێشه‌كانی به‌رده‌م خوێندنی پیشه‌یی كرد، پاشان نوێنه‌ری كۆمپانیا و كارگه‌كان باسیان له گرنگی ده‌ستی كاری پیشه‌یی و پیویستی خۆیان كرد به‌كادرانی ئه‌و به‌شه ، پاش گفتوگۆ، دۆزینه‌وه‌ی رێگه چاره بۆ به‌ره‌و پێشه‌وه بردنی ئه‌م كه‌رته گرنگه پێشنیاركرا و راسپارده‌كان بۆ هه‌مان مه‌به‌ست ئاماده كران.
له كۆتاییدا راپۆرتێك ئاماده‌كراو له رۆژى (9/11/2017)
بڵاوكردنه‌وه‌ی راپۆرتی پرۆژه‌ی ره‌وشی خوێندنی پیشه‌یی له پارێزگاكانی سلێمانی و هه‌ڵه‌بجه له هۆڵى ئاماده‌یی پیشه‌سازی سلێمانی به ئاماده بوونی چه‌ندین مامۆستا و كه‌سی حكومی و نوێنه‌ری كۆمپانیای تایبه‌ت و خۆێندكارانی ئه‌و ئاماده‌ییه،ئه‌نجامی پرۆژه‌كه كه له‌سه‌ر ڕه‌وشی خوێندنی پیشه‌یی ئاماده كرابوو ڕاگه‌یه‌نرا.
بۆ خوێندنه‌وه‌ى راپۆرته‌كه كلیك له‌م (pdf)ه، یاخود كلیك لێره بكه...
ره‌وشى خوێندنى پیشه‌یى له پارێزگاكانى سلێمانى و هه‌ڵه‌بجه‌دا
