ئه‌م پرۆژه‌یه له‌سه‌ره‌تای ده‌ستبه‌كار بوونی وه‌زیر نوێی كابینه‌ی هه‌شتی حكومه‌تی هه‌رێمى كوردستانه‌وه ده‌ستی پێكرد، سه‌ره‌تای پرۆژه‌كه‌ش پیكهاتبوو له راپۆرتێك كه وه‌ك نامه‌ی پیرۆزبایی له 25 ى حوزه‌یرانى 2014 له هۆڵى هوتێل چوارچرا له شارى هه‌ولێر، به ئاماده‌بوونى ژماره‌یه‌كى زۆر له مامۆستایان و رێكخراوه‌كانى كۆمه‌لى مه‌ده‌نى و به‌ڕێوه‌به‌رى په‌روه‌رده‌كان و كه‌سانى پسپۆر و شاره‌زاى بواره‌كه و میدیاكاران، ئاراسته‌ی به‌رێز (د.پشتیوان سادق) وه‌زیری په‌روه‌رده كرا، له‌نامه‌كه‌دا وه‌زیرى په‌روه‌رده له (101) گرفتی ره‌وشی په‌روه‌رده ئاگادار كرابووه و داوای لێ كرابوو كه هه‌وڵی وه‌زاره‌ته‌كه‌ی بخاته گه‌ڕ بۆ چاره‌سه‌ركردن ئه‌و قه‌یرانانه‌ی چه‌ندین ساڵه به‌رۆكی په‌روه‌رده‌ی گرتووه.
وه‌زیری له مه‌راسیمی پێشكه‌ش كردنی نامه‌كه‌دا به‌ڵێنی دا دوای ساڵێك له‌گه‌ڵ ئینستتیوتی په‌ی و خه‌م خۆرانی بواره په‌روه‌رده دابنیشێته‌وه و ئه‌و كارانه باس بكات كه‌له‌به‌ر رۆشنای ئه‌و نامه‌یه‌دا ئه‌نجامی داوه كه په‌ی پێشكه‌شی كردووه .
بۆ خوێندنه‌وه‌ى راپۆرته‌كه كلیك له‌م (pdf)ه، یاخود كلیك لێره بكه...
پرۆژه‌ی چاودێری و هه‌ڵسه‌نگاندنی ره‌وشی په‌روه‌رده له هه‌رێمی كوردستان (نامه‌یه‌كی كراوه بۆ به‌ڕێز وه‌زیری په‌روه‌رده)
