فراكسیۆنی گۆڕان لەپەرلەمانی كوردستان رایگەیاند، بەشداریكردنی حزبەكان لەكۆبوونەوەی پەرلەمان "درێژەدانە بەكودەتاكەی پارتی".
كۆبوونەوەی پەرلەمانی كوردستان بەبێ ئامادەبووی فراكسیۆنەكانی گۆڕان و كۆمەڵی ئیسلامی و بزوتنەوەی ئیسلامی دەستیپێكردووە، لەئێستادا بەردەوامە.
برزۆ مەجید، سەرۆكی فراكسیۆنی گۆڕان لەپەرلەمانی كوردستان لەكۆبوونەوەیەكی رۆژنامەوانیدا، رایگەیاند، دوای گوشاری نێوخۆیی و نێودەوڵەتییەكان بڕیاردا دانیشتنێك بەپەرلەمان بكرێت، بەڵام "چۆن و بەچی میكانزمێك كارابكرێتەوە، كە ئەوە شەرعییەتدانە بەئەنجومەنی باڵای ریفراندۆم".
ئاماژەی بەوەشكرد، "كاراكردنەوەكە دوورە لەعورفی یاسایی و پەرلەمانی، گەڕانەوەیە بۆ سەردەمی پێش ئۆپۆزسیۆن كە هەمیشە هەژمونی حزب زاڵبووە بەسەرپەرلەماندا، بەشداریكردنی حزبەكان لەكۆبوونەوەی پەرلەمان درێژەدانە بەكودەتاكەی پارتی".