د.یوسف محەمەد سادق سەرۆکی پەرلەمانی کوردستان، دەڵێت “ئەم خولەی پەرلەمانی کوردستان بە هاوکاری فراکسیۆنە جیاوازەکان هەوڵماندا دەرگای پەرلەمان بەڕووی ڕاگەیاندنەکاندا کراوە بێت، تاڕادەیەکی زۆریش شەفافییەت لەکارەکانماندا هەبێت و بانکی زانیاریمان دامەزراند، بۆ بەخشینی زانیاریی لەبارەی کارەکانی پەرلەمان بە ڕۆژنامەنووسان و هاوڵاتیان .”

ئەم وتانەی سەرۆکی پەرلەمان لەکاتی وەرگرتنی ڕاپۆرتی هەڵسەنگاندنی شەش مانگی ڕابردووی کارەکانی پەرلەمانی کوردستاندا هات، ئەمڕۆ ٤ شەممە ١١-١١  لەلایەن ئینستیوتی  په‌ی بۆ په‌روه‌رده‌و گه‌شه‌پێدان پێشکەش بە سەرۆکی پەرلەمان کرا. لە کۆبوونەوەیەکدا، د.سەروەر عەبدولڕەحمان سەرپەرشتیاریی ڕاپۆرتەکە وتی “ئەم راپۆرتە ئینستیوتەکەمان بەشێوەیەکی پیشەییانە و بێلایەنانە پێی هەڵساوین، ڕاپۆرتە بە هەردوو زمانی عەرەبی و کوردی بڵاو دەکەینەوە، کارەکانی شەش مانگی ڕابردووی پەرلەمانی کوردستانمان لەڕووی یاسادان و چاودێرییەوە هەڵسەنگاندووە.”

لەبارەی ڕووداوەکەی ١٢ی مانگی ڕابردووش، لە راپۆرتەکەدا ئاماژە بەوە دراوە کە ئەوە پێشێلکاریی یاساییە و شکاندنی شکۆی گەورەترین دەزگای یاسادانانە لە کوردستان.”

دواتریش سەرۆکی پەرلەمان، وتی “هەر لەسەرەتای دەستبەکاربونمانەوە  لەگەڵ ئەوەدابووین دەزگاکانی کۆمەڵگەی مەدەنی و ڕۆژنامەنووسان و هاوڵاتیان، چاودێری وردی کارەکانی پەرلەمان بن، لەهەر شوێنێکدا کەموکورتی هەبێت ئاگادارمان بکەنەوە، بۆ ئەوەی بە هەمو لایەکەوە هەوڵی چاکسازی بنەڕەتی لە ڕێگەی پەرلەمانەوە بدەین.”

لینكى هه‌واڵه‌كه‌:

http://www.hivaykurd.com/2015/11/%db%8c%d9%88%d8%b3%d9%81-%d9%85%d8%ad%db%95%d9%85%db%95%d8%af-%d8%b3%d8%a7%d8%af%d9%82-%d9%87%db%95%d9%88%da%b5%d9%85%d8%a7%d9%86%d8%af%d8%a7-%d8%af%db%95%d8%b1%da%af%d8%a7%db%8c-%d9%be%db%95/