بەرنامەی كار:
بەپێی حوكمەكانی بڕگە (١)ی ماددە (٢٠) لە پێڕەوی ناوخۆی ژمارە (١)ی هەمواركراوی ساڵی ١٩٩٢ی پەرلەمانی كوردستان - عێراق, دەستەی سەرۆكایەتی پەرلەمان بڕیاری درا دانیشتنی ژمارەی (٢٤)ی ئاسایی خولی سێیەمی هەڵبژاردن لە كات (١١)ی پێش نیوەڕۆی رۆژی دوو شەممە (٢٠١٢/٦/١١) بەم شێوەیە بێت:
١-خستنەڕوو و گفتوگۆ كردنی پڕۆژە یاسای هەموار كردنی نۆیەمی یاسای ئەنجومەنی وەزیرانی هەرێمی كوردستان، ژمارە (٣) ساڵی ١٩٩٢ ی هەموار كراو.
٢-خستنەڕوو وگفتوگۆ كردنی پڕۆژە یاسای درێژ كردنەوەی كارنەكردن و یاسای بەكرێدانی خانووبەرەی ژمارە (٩) ی ساڵی ٢٠٠٨ بۆ ماوەی یەك ساڵی تر، كە لە لایەن ئەنجومەنی وەزیرانەوە پێشكەش كراوە.
٣-خستنەڕوو وگفتوگۆ كردنی پێشنیاری یاسای گۆڕانكاری یاسای ژمارە (٩) ی ساڵی ٢٠٠٨ی یاسای بەكرێدانی خانووبەرە كە لە لایەن ژمارەی یاسایی ئەندامانی پەرلەمان پێشكەش كراوە، لە دانیشتنی ئاسایی ژمارە (١٢) ڕۆژی ٢٠١٠/١١/١٨ خوێندنەوەی یەكەمی بۆ كراوە.
٤-خستنەڕوو و گفتوگۆ كردنی پڕۆژە یاسای درێژ كردنەوەی كار كردن بە یاسای ژمارە (٣) ی ساڵی (٢٠٠٦) ی یاسای بەرەنگار بوونەوەی تۆقاندن و تیرۆر لەهەرێمی كوردستاندا.
٥-خستنەڕوو و پەسەند كردنی پێكهاتەی لیژنە هەمیشەییەكانی پەرلەمان.
٦-خوێندنەوەی یەكەمی ئەم پڕۆژەو پێشنیارانەی خوارەوە:
أ- پێشنیاری یاسای هەموار كردنی یەكەمی یاسای خانەنشینی هێزەكانی ناوخۆ ژمارە (١٨) ساڵی (٢٠١١) لە هەرێمی كوردستان.
ب- پێشنیار و بڕیار دەبارەی پلەبەندی وەزیفی و شوێنی دامەزراندنی دەرچوانی زانستە سیاسیەكان لە هەرێمی كوردستاندا.
ج- پێشنیار و بڕیاری ڕاگرتنی ژمارە ١٥٠ ی ساڵی ١٩٨٧ ی ئەنجومەنی سەركردایەتی شۆڕشی هەڵوەشاوە.
٧-خستنەڕوو وگفتوگۆ كردنی پڕۆژە یاسای بودجەی هەرێمی كوردستان-عیراق بۆ ساڵی ٢٠١٢.
فرسەت ئەحمەد عەبدوڵا د. حەسەن محەمەد سورە د.ئەرسەلان بایز ئیسماعیل
سكرتێری پەرلەمانی جێگری سەرۆكی پەرلەمانی سەرۆكی پەرلەمانی
كوردستان – عێراق كوردستان – عێراق كوردستان - عێراق