بەرنامەی كار:
بەپێی حوكمەكانی بڕگە (١)ی ماددە (٢٠) لە پێڕەوی ناوخۆی ژمارە (١)ی هەمواركراوی ساڵی ١٩٩٢ی پەرلەمانی كوردستان - عێراق, دەستەی سەرۆكایەتی پەرلەمان بڕیاری درا دانیشتنی ژمارەی (١١)ی ئاسایی خولی سێیەمی هەڵبژاردن لە كات (١١)ی پێش نیوەڕۆی رۆژی دوو شەممە (٢٠١٢/٤/٣٠) بەم شێوەیە بێت:
١- دەنگدان لەسەر پرۆژە یاسای رێگا گشتیەكان لە هەرێمی كوردستان – عێراق.
٢- خوێندنەوەی یەكەمی ئەم پێشنیارانەی خوارەوە:
أ- پێشنیاری یاسای هەموار كردنی ماددەی (٣٢) لە یاسای هەڵبژاردنی ئەنجومەنی پارێزگاو قەزاو ناحیەكان لە هەرێمی كوردستان ژمارە (٤)ی ساڵی ٢٠٠٩ی هەموار كراو.
ب- پێشنیاری بڕیار دەربارەی كارەسات و رابوونی ٤/٢٤ی قەڵادزێ.
ج- پێشنیاری یاسای ماڵی مامۆستا.
د- پێشنیاری پێكهێنانی ئۆفیسی هاوبەشی نیشتمانی بۆ پرسی ناوچە دابڕێنراوەكان.
ه- پێشنیاری یاسای هەموار كردنی یاسای وەزارەتی گواستنەوەو گەیاندنی ژمارە (١٩)ی ساڵی ٢٠١١.
و- پێشنیاری یاسای پارێزەرایەتی لە هەرێمی كوردستان.
ز- پێشنیاری یاسای رێكخستنی خانەنشینی لە هەرێمی كوردستان.
ح- پێشنیاری یاسای جێ بەجێ كردنی هەموار كردنی یەكەمی یاسای خزمەتی زانكۆیی ژمارە (٢٣)ی ساڵی ٢٠٠٩ی عێراق.
ك- پێشنیاری یاسای بە موڵك كردنی حەرەمی ئەو گوندانەی كەوتوونەتە نێو سنووری شارەوەانیەكانەوە (تملیك حرم القری الواقعە داخل حدود البلدیات).
ی- پێشنیاری یاسای قەرەبوو كردنەوەی ئەو كەسانەی حوكمەكانی یاسای رێكخستنی موڵكی كشتوكاڵ لە هەرێمی كوردستان – عێراق ژمارە (٩٠)ی ساڵی ١٩٧٥ و هەموارەكەی دەیانگرێتەوە.
ك- پێشنیاری یاسای رێزلێنانی پێشمەرگە (وەزارەت یان دامەزراوەی پێشمەرگە).
ل- پێشنیاری یاسای بڕیاری زیادەڕۆیی لەسەر موڵكی شارەوانی.
٣- خستنەڕوو و گفتوگۆ كردنی پێشنیاری یاسای سواڵكردن لە هەرێمی كوردستان.
فرسەت ئەحمەد عەبدوڵا د. حەسەن محەمەد سورە د.ئەرسەلان بایز ئیسماعیل
سكرتێری پەرلەمانی جێگری سەرۆكی پەرلەمانی سەرۆكی پەرلەمانی
كوردستان – عێراق كوردستان – عێراق كوردستان - عێراق