بەرنامەی كار:
بەپێی حوكمەكانی بڕگە (١)ی ماددە (٢٠) لە پێڕەوی ناوخۆی ژمارە (١)ی هەمواركراوی ساڵی ١٩٩٢ی پەرلەمانی كوردستان - عێراق, دەستەی سەرۆكایەتی پەرلەمان بڕیاری درا دانیشتنی ژمارەی (٦)ی ئاسایی خولی سێیەمی هەڵبژاردن لە كات (٤)ی پاش نیوەڕۆی رۆژی پێنج شەممە (٢٠١٢/٤/٥) بەم شێوەیە بێت:
١- سەرۆكی پەرلەمان هەر یەك لە سەرۆك و جێگری سەرۆكی ئەنجومەنی وەزیران كە بەبڕیاری ژمارە (٤) لە دانیشتنی ژمارە (٢)ی نائاسایی رۆژی ٢٠١٢/٢/١٦ بۆ سەرۆك و جێگری سەرۆكی كابینەی حەوتەم ناونران پێشكەش بە پەرلەمان دەكات بۆ متمانە پێدانیان.
٣- سەرۆكی پەرلەمان داوا لە سەرۆكی ئەنجومەنی وەزیران دەكات ناوی وەزیرە بەڕێزەكان بخاتە روو، ئینجا سەرۆكی پەرلەمان یەكە یەكە پێشكەش بە پەرلەمانیان دەكات تا متمانەیان پێ بدەن.
٣- سەرۆكی پەرلەمان سەرۆكی ئەنجومەنی وەزیران بانگ دەكات بۆ سوێند خواردنی یاسایی و پاشان جێگری سەرۆكی ئەنجومەنی وەزیران بانگ دەكات بۆ سوێند خواردنی یاسایی.
٤- سەرۆكی پەرلەمان داوا لە سكرتێری پەرلەمان دەكات وەزیرە بەڕێزەكان بۆ سوێند خواردنی یاسایی پێشكەش بكات.
٥- سەرۆكی پەرلەمان داوا لە بەڕێز سەرۆكی ئەنجومەنی وەزیرانی كابینەی حەوت رێزدار نێچیرڤان ئیدریس مصگفی بارزانی دەكات بۆ پێشكەش كردنی وتاری بەڕێزیان.
٦- وتاری بەڕێز جێگری سەرۆكی هەرێمی كوردستان – عێراق.
٧- كۆتایی هێنانی دانیشتن لەلایەن سەرۆكی پەرلەمانی كوردستانەوە.
فرسەت ئەحمەد عەبدوڵا د. حەسەن محەمەد سورە د.ئەرسەلان بایز ئیسماعیل
سكرتێری پەرلەمانی جێگری سەرۆكی پەرلەمانی سەرۆكی پەرلەمانی
كوردستان – عێراق كوردستان – عێراق كوردستان - عێراق