بەرنامەی كار:
بەپێی حوكمەكانی بڕگە (١)ی ماددە (٢٠) لە پێڕەوی ناوخۆی ژمارە (١)ی هەمواركراوی ساڵی ١٩٩٢ی پەرلەمانی كوردستان - عێراق, دەستەی سەرۆكایەتی پەرلەمان بڕیاری درا دانیشتنی ژمارەی (٥)ی ئاسایی خولی سێیەمی هەڵبژاردن لە كات (١١)ی پێش نیوەڕۆی رۆژی سێ شەممە (٢٠١١/١٠/٤) بەم شێوەیە بێت:
١- وتاری جێگری سەرۆكی پەرلەمان بەبۆنەی ساڵیادی بەیاننامەی راگەیاندنی یەكێتی فیدراڵی.
٢- بەردەوام بوون لەسەر خستنەڕوو و گفتوگۆ كردن لەسەر پرۆژە یاسای هەموار كردنی یەكەمی یاسای ژمارە (7)ی ساڵی ٢٠٠٨. یاسای دابین كردنی یەكەی نیشتەجێ بوون بۆ هاووڵاتیان لە هەرێمی كوردستان.
٣- خستنەڕوو و گفتوگۆ كردن لەسەر پرۆژە یاسای جێ بەجێ كردنی یاسای ئوسولی دادگاییە سزاییەكانی سەربازی (قانون انفاذ قانون اصول المحاكمات الجزائیە العسكری) ژمارە (٣٠)ی ساڵی ٢٠٠٧ی عێراقی فیدراڵ لە هەرێمی كوردستان، كە لەلایەن ئەنجومەنی وەزیرانەوە پێشكەش كراوە.
٤- خستنەڕوو و گفتوگۆ كردن لەسەر پرۆژە یاسای جێ بەجێ كردنی یاسای سزایی سەربازی (قانون عقوبات العسكری العراقی) ژمارە (١٩)ی ساڵی ٢٠٠٧ی عێراقی فیدراڵ لە هەرێمی كوردستان، كە لەلایەن ئەنجومەنی وەزیرانەوە پێشكەش كراوە.
٥- خستنەڕوو و گفتوگۆ كردن لەسەر پرۆژە یاسای گواستنەوەو گەیاندن لە هەرێمی كوردستان، كە لەلایەن ئەنجومەنی وەزیرانەوە پێشكەش كراوە.
٦- خستنەڕوو و گفتوگۆ كردن لەسەر پرۆژە یاسای هەموار كردنی یەكەمی یاسای ژمارە (٢٦)ی ساڵی ٢٠٠٧ یاسای باجی دەرامەت.
فرسەت ئەحمەد عەبدوڵا ئەرسەلان بایز ئیسماعیل
سكرتێری پەرلەمانی جێگری سەرۆكی پەرلەمانی
كوردستان - عێراق كوردستان – عێراق