بەرنامەی كار:
بەپێی حوكمەكانی بڕگە (١)ی ماددە (٢٠) لە پێڕەوی ناوخۆی ژمارە (١)ی هەمواركراوی ساڵی ١٩٩٢ی پەرلەمانی كوردستان - عێراق, دەستەی سەرۆكایەتی پەرلەمان بڕیاری درا دانیشتنی ژمارەی (٣١)ی ئاسایی خولی سێیەمی هەڵبژاردن لە كات (١١)ی پێش نیوەڕۆی رۆژی چوار شەممە (٢٠١١/٦/٢٩) بەم شێوەیە بێت:
١- خوێندنەوەی یەكەمی پەیڕەوی ناوخۆی پەرلەمانی كوردستان.
٢- خوێندنەوەی یەكەمی پێشنیاری یاسای جێ بەجێ كردنی یاسای گەڕاندنەوەی فەسڵ كراوانی سیاسی فیدراڵی لە هەرێمی كوردستان.
٣- خوێندنەوەی یەكەمی پێشنیاری یاسای رێپێدراوی شەرعی (المأژون الشرعی).
٤- خوێندنەوەی یەكەمی پێشنیاری یاسای چاودێری بەساڵاچووان لە هەرێمی كوردستان.
٥- خوێندنەوەی یەكەمی پێشنیاری یاسای مافەكانی كورتە باڵاكانی كوردستان.
٦- خوێندنەوەی یەكەمی پێشنیاری یاسای هەموار كردنی یاسای باری كەسیەتی سەبارەت بە مافی بینینی منداڵ لە كاتی جیابوونەوە.
٧- خوێندنەوەی یەكەمی پێشنیاری بڕیاری دەوام كردن بە جلی كوردییەوە لە كۆبوونەوەی سەرەتای هەموو خولێكی پەرلەمان.
٨- خوێندنەوەی یەكەمی پێشنیاری یاسای كۆمپانیای كوردستان بۆ دۆزینەوەو وەبەرهێنانی نەوت.
٩- خوێندنەوەی یەكەمی پێشنیاری یاسای سندووقی تەرخان كردنی داهاتەكانی هەرێمی كوردستان.
١٠- خوێندنەوەی یەكەمی پێشنیاری یاسای كانزا ناپۆڵاییەكانی (المعادن اللافلزیە) لە هەرێمی كوردستان.
١١- خوێندنەوەی یەكەمی پرۆژە یاسای هەموار كردنی یەكەمی یاسای ژمارە (٣)ی ساڵی ٢٠٠٩ یاسای پارێزگاكانی هەرێمی كوردستان – عێراق.
خاڵی (١٢) لەبەر ئەوەی پرۆژەكەمان بۆ نەهاتووە، ئەم خاڵە دوا دەخەین، بۆ كاتێكی تر، هەر وەختێ بگاتە دەستمان، ئەو وەختە دەیخەینە بەرنامەی كارەوەو كاری لەسەر بكەین.
١٣- خوێندنەوەی یەكەمی پێشنیاری یاسای رێكخستنی بازرگانی لە هەرێمی كوردستان – عێراق.
١٤- خوێندنەوەی یەكەمی پێشنیاری یاسای بیمەی كشتوكاڵی لە هەرێمی كوردستان – عێراق.
١٥- خستنەڕوو و گفتوگۆ كردنی پرۆژە یاسای (ماف و ئیمتیازاتی زیندانە سیاسیە كوردستانییەكان، كە لەلایەن ئەنجومەنی وەزیرانەوە هاتووە.
محەمەد قادر عەبدوڵا (د.كمال كەركووكی) فرسەت ئەحمەد عەبدوڵا ئەرسەلان بایز ئیسماعیل
سەرۆكی پەرلەمانی سكرتێری پەرلەمانی جێگری سەرۆكی پەرلەمانی
كوردستان – عێراق كوردستان - عێراق كوردستان – عێراق