بەرنامەی كار:
بەپێی حوكمەكانی بڕگە (١)ی ماددە (٢٠) لە پەیڕەوی ناوخۆی ژمارە (١)ی هەمواركراوی ساڵی ١٩٩٢ی پەرلەمانی كوردستان - عێراق, دەستەی سەرۆكایەتی پەرلەمان بڕیاری درا دانیشتنی ژمارەی (٢٥)ی خولی سێیەمی هەڵبژاردن لە كات (١١)ی پێش نیوەڕۆی رۆژی سێ شەممە (٢٠١١/٦/١٤)دا بەم شێوەیە بێت:
یەكەم: پێش چاوخستنی داخوازی سەرۆكایەتی ئەنجومەنی وەزیران بەپێدانی متمانە بە بەڕێز (سەباح ئەحمەد محەمەد) (مامۆستا ئارام) بە وەزیری شەهیدان و ئەنفالكراوان و سوێند خواردنی یاسایی.
دووەم:
١- دانانی ئەندامی بەڕێز( عومەر عەبدولعەزیز بەهادین سادق) لە لیژنەی نەزاهەت لە جێگای(حمە سعید حمە علی).
٢- دانانی بەڕێز (كاوە محمد امین حسین) لە لیژنەی پێشمەرگە.
سێیەم: خوێندنەوەی یەكەم بۆ ئەم پرۆژە یاسایانە:-
١- پێشنیاری هەمواركردنی یاسای باجی خانووبەرە ژمارە(٢٥)ی ساڵی ٢٠٠٧
٢- پێشنیاری هەمواركردنی دووەمی یاسای یەكێتی پەرلەمانتارانی كوردستان ژمارە(١٧)ی ساڵی ٢٠٠٦.
٣- پێشنیاری یاسای دەڵاڵی و بەدواداچوون(الدلالە والتعقیب).
٤- پێشنیاری یاسای سروودی نیشتمانی بۆ هەرێمی كوردستان – عێراق(ئەی ڕەقیب).
چوارەم: پێش چاوخستن و گفتوگۆكردنی ناڕازیبوونی (اعراچ) بەڕێز سەرۆكی هەرێم لەسەر بڕگەی (١٠) لەماددەی دووەمی یاسای وەزارەتی رۆشنبیری و لاوان ژمارە(١٤)ی ساڵی ٢٠١٠.
پێنجەم: پێش چاوخستن و گفتوگۆكردن لەسەر یاسای ئەنجومەنی ڕاژە.
محەمەد قادر عەبدوڵا (د.كمال كەركووكی) فرسەت ئەحمەد عەبدوڵا ئەرسەلان بایز ئیسماعیل
سەرۆكی پەرلەمانی سكرتێری پەرلەمانی جێگری سەرۆكی پەرلەمانی
كوردستان – عێراق كوردستان - عێراق كوردستان – عێراق