بە پێی حوكمەكانی بڕگە (1)ی ماددە (20) لە پێڕۆی هەموار كراوی ناوخۆی ئەنجومەنی نیشتیمانیی كوردستانی عێراق ژمارە (1)ی ساڵی 1992ی هەمواركراو, دەستەی سەرۆكایەتی ئەنجومەن بڕیاری دا بەرنامەی كاری دانیشتنی ژمارە (25) ی ئاسایی خۆی لە كاتژمێر(10) ی سەرلەبەیانی رۆژی سێ شەممە رێكەوتی 11\12\2001 دا بەم شێوەیەی خوارەوە بێت:
1- خستنەڕووی دەست لەكاركێشانەوەی (د.قیس دیوالی) و , خستنەڕووی داواكاریی مەكتەبی سیاسی پارتی دیموكراتی كوردستان (خودان لیستی زەردی هەڵبژاردن) بۆ قەبوڵكردنی (فاتح محمد امین) بە ئەندامی ئەنجومەن و سوێند خواردنی یاسایی.
2- ئامادەبوونی رێزدار وەزیری كشتوكاڵو ئاودێری بۆ بەرچاوخستنی چالاكییەكانی وەزارەتەكەی و وەڵامدانەوەی پرسیارەكانی ئەندامانی ئەنجومەنی نیشتیمانیی كوردستانی عێراق.
3- ئامادەبوونی رێزدار وەزیری پیشەسازی و وزە بۆ بەرچاوخستنی چالاكییەكانی وەزارەتەكەی و وەڵامدانەوەی پرسیارەكانی ئەندامانی ئەنجومەنی نیشتیمانیی كوردستانی عێراق.

 فرست احمد عبدالله                                                                                 د.رۆژ نوری شاوەیس 
سكرتێری ئەنجومەنی نیشتمایی                                                                 سەرۆكی ئەنجومەنی نیشتمانیی
  كوردستانی عێراق                                                                                   كوردستانی عێراق