بە پێی حوكمەكانی بڕگە (1)ی ماددە (20) لە پێڕۆی هەموار كراوی ناوخۆی ئەنجومەنی نیشتیمانیی كوردستانی عێراق ژمارە (1)ی ساڵی 1992ی هەمواركراو, دەستەی سەرۆكایەتی ئەنجومەن بڕیاری دا بەرنامەی كاری دانیشتنی ژمارە (26) ی ئاسایی خۆی لە كاتژمێر(10) دەی سەرلەبەیانی رۆژی یەك شەممە رێكەوتی 24\12\2000 دا بەم شێوەیە بێت:
1- خستنەڕوو و گفتوگۆكردن لەسەر پرۆژەی یاسای لەغو كردنی مادە یەك لە یاسای ژمارە (10)ی ساڵی 1997.
2- خستنەڕوو و گفتوگۆ كردن لەسەر دەستنیشان كردنی رێزدار (د. جرجیس حسن) لەلایەن سەرۆكی ئەنجومەنی وەزیرانەوە بۆ پۆستی سەرۆكی دیوانی چاودێری دارایی هەرێمی كوردستانی عێراق.
3- خستنەڕووی بودجەی ساڵی (2001)ی حكومەتی هەرێمی كوردستانی عێراق.
4- خستنەڕووی بودجەی پلانی ساڵی (2001)ی حكومەتی هەرێمی كوردستانی عێراق.
5- خستنەڕوو و گفتوگۆ كردنی چالاكییەكانی حكومەتی هەرێمی كوردستانی عێراق.

 فرست احمد عبدالله                                                                                 د.رۆژ نوری شاوەیس 
سكرتێری ئەنجومەنی نیشتمایی                                                                 سەرۆكی ئەنجومەنی نیشتمانیی
  كوردستانی عێراق                                                                                   كوردستانی عێراق